Kailangan pa ring obserbahan ang physical distancing kahit sa loob ng tahanan lalo na sa frontliners at indibidwal na palaging lumalabas sa bahay.
Ito ang sinabi ni Dra. Donna Tubera-Panes ng Baguio City Health Services Office kasunod ng pagtaas ng bilang ng kumpirmadong kaso ng COVID-19 sa bansa.
Ayon kay Tubera-Panes, malaking tulong ito para maiwasan ang posibleng pagkalat ng COVID-19 sa loob ng tahanan.
Ipinapayo pa ng opisyal na hangga’t maaari ay dapat maiwasan ang pagsasabay-sabay sa pagkain ng magkakapamilya kung may mga miyembro na laging lumalabas sa bahay.
Inirekomenda naman ni Dra. Tubera-Panes ang salitan sa hapag-kainan para matiyak ang three meter distance base.
Facebook Comments
