PICK-UP NAHULOG SA SAPA SA SIYUDAD SANG PASSI, TATLO KA TAWO PATAY…

Tatlo ka tawo ang napatay kag pilason ang siyam ka iban pa matapos mahulog sa sapa ang ila ginasakyan nga pick-up sa siyudad sang Passi alas 7 pasado sini lamang nga gab-i.
Ginpahayag nga naghalin pa sa Kalibo, Aklan kag magapauli sa banwa sang Cabatuan ang Strada pick-up nga may conduction sticker nga NK 1911 kag sakay ang 12 ka mga pasahero lakip na ang driver.
Subong man, mga alas 7 sang gab-i pag-abot sa boundary sang Barangay Agtambo kag Barangay Sarapan, Passi City, nahulog sa sapa ang salakyan.
Gilayon naman nga nagresponder ang mga rescue teams kag ginpangdala sa Passi City District Hospital ang mga sakay sang salakyan apang tatlo sa mga ini ang gindeklarar nga dead on arrival. (sspunay)

(c) Winston Guihama

Facebook Comments