Patay ang isa ka engineer matapos nakabunggo ang iya ginadala nga pick-up sa isa ka van mga las 9:30 sini nga aga sa Circumferental Road nga nasakupan na sang Silay City.
Suno sa pulis ang biktima nga nakilala kay Engr. Glenn John Nemenzo ang naga-maneho sang iya pick-up kag magapadulong na kuntani sa Silay City halin sa sur sang natabo nga aksidente.
Base sa inisyal nga imbestigasyon sang Silay City Police Station, nakabunggo ang pick-up sa isa ka wing van nga gina-maneho naman ni Dionesio Ygay sang Brgy. Bairan, Vallehermoso, Negros Oriental.
Ang amo nga van ang naghalin naman sa sur nga bahin kag magapadulong sa northern part sang Negros.
Sa karon padayon ang imbestigasyon sang pulis sa hitabo samtang ang driver naman sang wing van ang detained karon sa Silay CPS.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
