Pila ka establisyemento sa Boracay ilegal nga naga konekta sa drainage system

228

Ni Jay-ar M. Arante, RMN-DYKR Kalibo
Mabahoe ro pagkadismaya it Local Government Unit it Malay matapos nga madiskobrehan ro pila ka mabahoe nga business establishment sa Boracay nga illegal nga naga konekta sa drainage system.
Daya hay matapos nga nagpatigayon it pagbukas ko mga drainage halin sa Mañana hasta sa Azalea ro Bulabog Task Force it LGU Malay ko Hulyo 3, 4, 5.
Sa tatlong adlaw nga ging himo ko nasambit nga Task Force dikara nasayran do mga big-time violators nga ilegal nga naga-konekta sa drainage.
Pila eamang sa mga establisyemento ro naaktuhan nga naka kabit sa drainage hay ro Cocomangas ag Lugar Bonito pati man do sambilog nga fast food chain sa Balabag.
Raya ro mga establishment ro gina sugid nga pila eamang sa mga contributors it mabaho nga storm drainage ag polusyon sa Bulabog.
Ro mga illegal connector sa mga drainage system sa Boracay hay kabuhay eon nga problema it LGU Malay ag makapilang beses eon nga ging paandaman bangod sa naga samad raya ko turismo it isla.
Sa makaron naga pahaom eon it aksyon rong LGU Malay sa mga nasambit nga illegal violators samtang naga pati sanda nga maabo pagid ro mga masunod kara.

Image by:LGUMALAY
TAGS: LGU Malay, Boracay, Illegal violators, Task Force, BIWC

Facebook Comments