Kalibo, Aklan — Pila ka mga police stations ag meyembro it kapulisan rong gindayaw ag may una nga uwa man sa ginapatigayon nga Annual Inspection it NAPOLCOM Region 6.
Una nga napan-uhan ni Investigator Allen Camiring it NAPOLCOM Region 6 ro sa Banga Municipal Police Station sa ginpatigayon nga inspeksyon kung sa siin sambilog sa mga pulis rong absent sa ginpatigayon nga rank inspeksyon ag uwa man imaw nag-eaong sa anang sa chief of police.
Ro nasambit nga pulis hay si PO2 Allen Restar nga suno kay Camiring dapat taw-an it nagakaigo nga pag diseplina.
Ginmanduan nana rong chief of police nga isyuhan it memorandum si Restar nga mag eksplekar sa sueod it 24-oras ag kon mag submit man ko anang eksplenasyon ag kon bukon it valid imaw igapaidaeom sa pre-charge investigation ag pagapasakaan it kaso administratibo nga neglect of duty.
Samtang sa pihak nga parte ro mga police stations nga andang gindayaw ro Balete Police stations (snappy), Madalag Police Station kung sa siin kompleto ro andang mga ATM, Kalibo Police Station kompleto man anda ATM, New Washington Police Station nga umpisa pag conduct it inspection present gid ro andang Mayor nga si Hon. Shimonette Francisco, kompleto man andang ATM, during rank inspection una sanda sa tamang bihis ag snappy gid.
Makaron nga adlaw ro naka schedule par sa inspection hay ro Altavas ag Batan Municipal Police Stations ag ro iba hay sa next week hasata matapos.
Rayang inspection hay bukon eamang it sa mga pulis kundi naga interview man sanda sa mga business sector, religion sector, estudyante ag iba pa kon ano klase it mga pulis may una sanda, kung baea madasig mag responde ag safety ro andang lugar.
Ro mga mayad ayad nga police stations ag mga personnel hay makabaton man it award nga kung siin ko nagtaliwan nga dag-on ro nakabuoe it 2nd runner up hay ro Buruanga MPS, 1st runner up Madalag MPS ag ro Champion hay Kalibo MPS.
