Panglima na ang Pilipinas sa mga bansang pinayagan ang face-to-face classes sa kolehiyo.
Batay sa Department of Health (DOH), kasama ng Pilipinas ang Australia, New Zealand, United Kingdom, at Canada.
Pumayag na rin ang Singapore sa in-person classes ng mga hindi pa bakunadong estudyante sa kolehiyo, pero kailangan nilang dumaan sa dalawang ulit na testing kada-linggo.
Ayon kay DOH Officer-in-Charge Maria Rosario Vergeire, ang suporta ng DOH sa in-person classes ay base sa siyentipikong rekomendasyon na nagpapakitang mas malaki ang pakinabang ng in-person schooling kumpara sa panganib ng hawaan ng virus.
Kabilang dito ang pagpapalakas ng academic performance, pagpapahusay ng mental health, at paglinang ng social engagement skills o kakayanang makipagkapwa tao ng mga mag-aaral
