Pilipinas, nakakuha sang isa pa ka termino bilang katapo sang United Nations Human Rights Council

Nakakuha sang isa pa ka term ang Pilipinas bilang katapo sang United Nations Human Rights Council sa ila election sa New York.

Suno kay Ambassador Teodoro Locsin Jr, permanent representtaive sang Pilipinas sa UN sa New York, nakakuha sang 165 votes ang Pilipinas sa kabug-usan nga 192 ka boto sang mga member states.

Ini nga kadalag-an magahatag sa Pilipinas sang dugang nga tatlo ka tuig nga term sa 47-member council nga nabase sa Geneva sugod 2019-2021.


Para naman kay outgoing DFA Sec. Alan Peter Cayetano, ang pagpili sa Pilipinas nagapamatuod lang nga ginakilala sang bug-os nga kalibutan ang pagrespeto sang pungsod sa tawhanon nga kinamatarong.

Kaupod sang Pilipinas nga napilian ang mga pungsod Argentina, Austria, Bahamas, Bahrain, Bangladesh, Bulgaria, Burkina Faso, Cameroon, Czech Republic, Denmark, Eritrea, Fiji, India, Italy, Somalia, Togo, KAG Uruguay.

(photo from web)

Facebook Comments