Pinaka-unang community transmission natala sa Valencia City

Natala sa siyudad sa Valencia ang pinaka-unang kaso sa community transmission.

Kini mao ang Case # 62, 23-year anyos nga lalaki nga taga P-2, Poblacion, nagtrabaho isip purchaser sa Roy Plaza Valencia, na-admit sa Centralized Quarantine Facility niadtong Sept 18, 2020 nga adunay sintomas, gideklara kini sa Valencia isip pinaka-unang community transmission nga karon naka-strict isolate na sa isolation facility, apil sa mga sintomas ang hilanat, ubo ug kawad-on sa panimaho ug panglami sa pagkaon.

Tungod niini gideklara na sa dakbayan ang tulo ka mga spesipikong lugar sa Brgy. Poblacion ilawom sa localized lockdown ug focused containment nga mao ang roy plaza Valencia sa Alkuino street, ikaduha ang bagsakan area duol sa farmer’s market sa Purok 10 ug ikatulo ang residential house sa case number 62 sa Purok 2.


Sa interview sa RMN DXMB Malaybalay ngadto kang Valencia City Vice Mayor Dr. Pol Murillo gipasabot niini ang kalainan sa local transmission ug sa community transmission.

Matud niya nga ang local transmission mamahimong ma-trace o matumbok ang tinubdan sa virus.

Apan ang community transmission mao nga kung nagtakod-takod na sa komunidad ug kung natakdan sa COVID-19 ang usa ka tawo nga wala ka siya kabalo kung aha gikan ang virus ug wala usab kini history of travel.

Facebook Comments