Pormal na nga ginbuksan subong nga adlaw ang pinakauna COVID-19 testing center sa Sultan Kudarat.
Ginpangunahan mismo ni DOH 12 regional director Dr. Aristides Concepcion Tan, ang pagbukas sang St. Louis Molecular Diagnostic Laboratory nga nahamtang sa National Highway, Barangay Kalandagan, Tacurong City.
May-angot sini, umpisa subong nga adlaw nagabaton na sang swab samples sang COVID-19 patients nga halin sa probinsya sang Sultan Kudarat , bisan sa South Cotabato kag Maguindanao ang testing center sa syudad.
Tungod sini, mabuhinan sang 30% ang laboratory expenses sang swab testing nga ginapadala pa sa Davao City.
Ang nasambit nga testing center ang may licensed to operate kag may accreditation sang DOH-RITM.
Facebook Comments
