Pinangita sa kasong pagpatay, nadakpan

Pagadian City – Nadakpan sa elemento sa kapulisan ning syudad ang 22 anyos nga ulitawo atol sa gilusad nga manhunt operation sa Purok Bougainvilla, Brgy. San Pedro, Pagadian City alas 4:15 sa hapon niadtong sabado.
Ang operasyon niresulta sa pagkasikop ni Charliemagne Uljer Salamero, residente sa nasangpit nga lugar.
Armado ang kapulisan sa warrant of arrest batok sa suspek sa kasong murder nga gipagawas ni Judge Analyn Ramas-Costanilla, sa 9th Regional Trial Court, Branch 22, Pagadian City, Zamboanga Del Sur.
Ang dinakpan kasamtangan nga gipaslak sa Pagadian City Police Station Lock-up cell samtang nahulat sa tukmang lakang.

Facebook Comments