Pinay nga nabungguan sang Van sa HK ginbawian na sang kabuhi

Ginbawian na sang hulam nga kabuhi si Geraldine Lupian Betasola,36 anyos nga taga Bohol , 4 ka adlaw matapos nangin kritikal sa Prince Of Wales Hospital sa Sha Tin. Wala na ini naabutan nga buhi sang iya bana kg anak inuras antis kon tani ang ila pag abot sa Hong Kong.

Base sa pahayag sang autoridad, takna alas 2:44 sang sabado sang hapon Nobyembre 25, 2017 samtang naga tabuk sa matawu nga crossing ang helper sang gulpi ginbungguan sang naga bagunos nga delivery van . Suno sa mga saksi sa aksidente ,gin guyod pa pila ka metros sang van ang biktima nga gintunaan sang malubha nga kasamaran sa ulo sini. Dali dali nga gin dala si Geraldine sa Prince of Wales Hospital apang nagpabilin ini nga wala sang pangalibutan asta nadulaan sang kabuhi alas 4:34 sang Nobyembre 29,2017.

Gilayun man nga detained ang driver sang Van nga gin kilala sa certain Mr.Kan apang gin release under bail matapos gin kasuhan sang “dangerous driving causing grievous bodily harm” . Paga bag uhon man sang PPRB ang charges kon makumpleto na ang ila imbistigasyon.


Matapos naglab ut ang balita sa pamilya ni Geraldine nga na aksidente ini sa HK , gilayun man nga nag bulig ang LGU sang Inabanga ,Bohol sa pag panguna ni Hon. Mayor Josephine Socorro Jumamoy sa iya mag amay agud makakuha sang passport kag insigida nga makalupad pa HK.

Sa pahayag sang opisyal sa Assistance To National sang Philippine Consulate sa HK, ginsugat sang employer ni Geraldine ang iya mag amay sa HK Airport huwebes sang gab e. Nag abot man sina nga adlaw ang utod sini nga halin sa Norway .

Dugang nga pahayag ni ATN officer Junie Cayabyab gina assist na sang konsulado ang pamilya sang napatay para sa mga claims sini.Kabahin sa claims amo ang Employees Compensation kon sa diin napatay ini samtang naga ubra kg financial assistance halin sa Traffic Accident Victims Assistance System sang Social Welfare Department sa HK .

Nahibaluan nga 6 na katuig nga naga pangempleyo si Geraldine sa iya mga amo sa Taipo. Ginbilin ni Geraldine sa kalisud ang iya bana nga si Ricardo kag ang ila 16 anyos nga anak nga si Kyle.

Facebook Comments