Pinay nga taga Capiz, ginkawat ang wallet sang isa ka Judge?

Report ni: Tita Jen Palomo Debaja

Ilongga nga gina patihan sang kaabyanan gin frame up , naga pangatubang sang kaso nga pagpangawat

Naga pabilin sa kustodiya sang kapulisan ang isa ka Ilongga nga taga Capiz matapos gin dakop sa HK Airport sa kaso nga pag kawat sang wallet sang iya amo nga isa ka abogado.


Maga flight kon tani sang Martes, Enero 16 papuli sa Iloilo ang Ilongga nga ginkilala kay Marites, 28 anyos, sang Dao Capiz sang gin arestar sa Chek Lap Kok Airport kaangut sa reklamu ni Justice Jonathan Harris.

Base sa pahayag sang employer ni Marites nga si Justice Harris , ginkawat sang Ilongga ang iya wallet nga naga unod sang HK$700 (US$89), 2 ka credit cards kg driver’s license sini kg pati ang HK $590 nga cash sang upod nga timbang sa iya poluy an sa Mid Levels sang Enero 9 ~ Enero 12.

Gin dugang sang judge nga ginkumprunta niya si Marites apang wala nag aku nga ginkawat niya ang nadula nga gamit kg cash sini.

Nahibaluan nga 2 palang ka bulan nga nag ubra bilang domestic helper si Marites kay Judge Harris.

Ang gina katingalahan sang kadam an ,ngaa ginhulat pa nga eterminate ang Ilongga kg sa airport na ini sang epadakop sa mga pulis.

Naka schedule ang masunod nga hearing sa Pebrero 13,2018.

Facebook Comments