Pinay sa Italy: Pagsaka sa COVID-19 cases gumikan sa kagahi og ulo

111

Davao City – Hugot nga nagpahimangno ang Pinay madre-nurse sa Italy nga sundon ang ginapatumang protocols, guidelines ug measures sa gobyerno aron malikayan ang Coronavirus Disease 2019 (COVID-19).

Sa interbyu sa DXDC RMN Davao kang sister Nita Jubahib, taga Nabunturan, Davao de Oro nga 13 ka tuig nang nagtrabaho isip head nurse sa usa ka ospital sa Rome, Italy, gibutyag niini nga nag-unang rason nga natala sa Italy ang pinakataas nga kaso sa COVID-19 sa tibuok kalibutan mao ang wala pagpaminaw sa mga residente taliwala sa gipatumang lockdown.


“Nagkadaghan gyud ang mga cases kay tungod man na sa pagkagahi sa ulo sa mga tao nga dili dayon mo-observe sa lockdown. Instead nga gi-kuan ang lockdown, daghan pa gihapon ang nagtapok-tapok. Wala sila nag careful sa ilang sarili mao nang nag-increase ang mga cases,” saysay ni Jubahib.

Gibutyag ni sister Nita nga aduna usay kakulangan sa face mask isip proteksyon batok COVID-19 diin tungod sa kamahal niini kadtong adunay kaya ra usab ang maka-afford ug makagamit og face mask.

“Ang akong tambag sa tanang kababayan nga kinahanglang musunod gyud sa rules and regulations. Kinahanglang magpuyo sa balay, stay at home para sa kaayohan sa tanan, para pud sa kaugalingon,” tambag ni Jubahib.

Nasayran natala karon sa Italy ang pinakataas nga ‘death toll’ sa COVID-19 human niini naapsan ang nasud China asa naggikan ang maong virus.

RadyoMaN Kirby Manzon




Facebook Comments