Piniliay sa South Cotabato nahimong nagmalinawon

11

South Cotabato–Nahimong Generally peaceful ang lokal ug midterm election sa area sa South Cotabato niadtong miaging Mayo 13.

Kini ang nahimong pamahayag ni Police Leutenant Colonel Marvin Duadua ang Police Information Officer sa South Cotabato Police Provincial Office human nahinabi sa RMN News Team.


Sumala pa ni Duadua nga walay dagkong panghitabo ang natala sa South Cotabato atol sa eleksyon ug gipaklaro niini nga ang nahimo lamang problema mao ang pagkapalyar sa pipila ka mga Vote Counting Machine kon VCM sa pipila ka mga presinto apan nahatagan man gilayon ug aksyon hinungdan nga wala kaayo nadelatar ang pagboto sa mga botante.

Pagbutyag man usab ni Police Leutenant Colonel Marvin Duadua nga usa sa hinungdan nganong nahimong malinawon ang eleksyon sa South Cotabato kini gumikan sa taas nga respeto nga gipatigbabaw sa mga kandidatu ilabi na kadtong nangapildi sa eleksyon.

Saysay sa opisyal nga walay nahimong problema sa mga napilding kandidatu sa nahimong resulta sa eleksyon gumikan kay nagtuo kini nga walay nahitabong pagpanikas hinungdan nga maayo ang ilahang pagdawat sa ilang kapildihan ingon man sa ilahang mga supporters.

Facebook Comments

From Advertisers