Despues el RMN Zamboanga ya lleva na attencion del Agriculture Secretary Manny Piñol el problema del escases de aroz na ciudad de Zamboanga, ayer personalmente ya bene aqui na ciudad si Piñol y ya conduci el surprise inspection.
Si Piñol quien nohay anuncia su benida aqui, ya llega na ciudad y ya anda maga tienda y maga bodega.
Si Piñol ya segura que gendeh mas ay palta el aroz na ciudad porcausa tiene ya unpoco-unpoco supply el ta llega fuera con el NFA rice.
Ya anda tambien si Piñol inspecciona na pantalan donde ta descarga maga saco de aroz del NFA que ya llega desde Thailand del semana pasao.
Acordando del semana pasao exclusivamente el RMN Zamboanga ya lleva na taencion di Piñol el presente situacion del ciudad porcausa na escases de aroz y ta subi ya el precio del cada quilo.
