Pipila ka BHW sa South Cotabato nakagat sang ido kag nagbalatian na sa nagapadayon nga Sabayang Patak Kontra Polio.

Ginkumpirmar ni Maam Genesis Navales, immunization program coordinator sang Provincial Health Office sang South Cotabato nga may-yara sang barangay health workers ang nakagat na sang ido kag nagbalatian sa ginpatigayon nga Sabayang Patak Kontra Polio sang Nobyembre 25 tubtob Disyembre 7 subong nga tuig.
Suno sa iya yara sa masobra 1, 800 ka mga barangay health workers sa probinsya ang nagalibot para sa paghatag sang polio vaccine sa mga kabataan nga nagaedad sang 0 tubtob 59 ka bulan panubo.
May-angot sini, ginahangkat ni Navales ang mga ginikanan nga magkooperar sa ginapatigayon nga polio vaccination matapos nga gin-extend tubtob sa Disyembre 13 subong nga tuig ang first round sang Sabayang Patak Kontra Polio.

Facebook Comments