Sa pakighinabi sa DXDC RMN Davao kang Raymond Cañete, 69-anyos nga taga-Brgy. Bucana, Davao City, iyang gibutyag nga nagatuo siya nga giatake sa NBI ang senado tungod sila lang man ang armado nga nisulod didto ug nagatuo sab siya nga ang NBI ang nagbuhat og salaod sa Senado.
Sa susamang punto, gibutyag sab ni James Consencino, 24-anyos nga dili siya motuo nga wala giatake sa NBI ang senado tungod kon mutuo sila nga wala niatake ang NBI, nganong nag-ingon man si Presidente Marcos nga gipabakwit na niya ang NBI sa senado samtang nag ingon sab si Atty. Matibag nga wala’y mga NBI didto sa senado.
Dugang pa nga gikwestyon sab niya ang pamahayag ni Atty. Claire Castro nga unang nagpabuto ang Sergeant-at-Arms rason nga mibalos sab og paboto ang usa ka ahente sa NBI, nga sukwahi sab sa impormasyon nga wala’y NBI sa senado. Gani murag mahulog nga gilibog-libog lang nila ang utok sa katawhan ilabi na sa mga Dabawenyo.
RadyoMan Wil Duran
