Pipila ka eskwelahan sa South Cotabato nag-istablisar na lamang sang temporary learning shelter, klase sa halos tanan nga eskwelahan nagresume na.

Nagresume na ang klase subong nga semana sang halos tanan nga mga eskwelahan sa idalom sang South Cotabato Division Office matapos nga apektado sang magkasunod nga linog kag naguba ang pipila ka mga classrooms.
Suno kay South Cotabato Schools Division Supt. Isagani dela Cruz nag-establisar sang temporary learning shelter ang mga eskwelahan nga indi na magamit ang pipila ka mga classrooms sini.
Sa subong suno pa wala nila nahibaluan kon san-o gid umpisahan ang repair kag reconstruction sang pipila ka mga school building nga naguba sang magkasunod nga linog sa rehiyon.
Nahibaluan nga sa datos duha ka mga classrooms ang totally damaged kag 28 ang nakitaan sang major damaged nga mga classrooms sa South Cotabato.
Ginpahayag man ni Sir Dela Cruz nga gin-advisan niya man ang mga district supervisor sa probinsya nga likawan anay sa subong ang pagpatigayon sang mga aktibidad nga madamo ang partisipante.

Facebook Comments