Pipila ka miyembro sa KAPA dinhi sa dakbayan sa Iligan nagtoong Anti-Poor ang gibuhat kanila ni Presidente Duterte

44

Nagtoo ang pipila ka mga miyembro sa Kabus Padatoon o KAPA dinhi sa dakbayan sa iligan nga anti-poor o pobre ang gihimong lakang karon ni Presidente Rodrigo Duterte sa pagpasira niini uban ang lain pang mga investment schemes.  

Alang kanila, dili sama sa ubang investments schemes ang KAPA tungod adunay gipadagan nga negosyo ang KAPA samtang ang uban nagsalig lamang sa gi-invest sa ilang mga miyembro.  


Nasubo ug daku silang mga pipila ka mga miyembro sa KAPA tungod daku na unta kaayo ug tabang ang ilang nakuha nga share sa ilang pagpa-miyembro niini apan kalit lang kini nga ipaundang.  

Nanghinaut sila nga mausab pa unta ang desisyon ni Presidente Duterte ug madungog niya ang hangyo sa mga kabus nga ipadayon ang ilang gisudlan nga investment schemes sama sa KAPA.

Facebook Comments

From Advertisers