Pito ka pulis sa rehiyon 12, tanggal sa serbisyo

General Santos City— Gi-angkon ni Police Chief Superintendent Marcelo Morales, Regional Director sa Police Regional Office 12 nga adunay pito ka mga pulis sa rehiyon ang natanggal sa serbisyo gikan Enero hangtud na sa bulan sa Hunyo ning kasamtangang tuig.

Pamahayag niya nga padayon ang ilahang ginahimong paghinlo kon ang internal cleansing sa ilahang organisasyon rason nga tanang pulis nga madakpang lambigit sa llegal nga aktibidad ilaha gilayong ginapahamtangan ug silot.

Gawas matud pa sa pito mga natanggal na, aduna pay uban nga nagpabiling wala pa na-desisyunan.


Dugang pamahayag ni RD Morales nga managlahi ang gi-atubang nga kaso sa maong pito nga mga pulis apan sagad niini ang nag-AWOL na sa serbisyo.

Samtang uban matud pa ang gumikan sa kalambigitan sa illegal nga droga sama sa paggamitan kung asa nagpostibo sa gipahigayong drug test ingon man pagpamaligya.

Paniguro niini nga dili gyud nila lung-an ang mga pulis nga nagpabilin sa illegal nga aktibidad aron nga dili na pamarisan sa uban.

Facebook Comments