Pito sa syam ka mga eskwelahan sa rehiyon dose indi magpartisipar sa limited face to face classes.

Duha na lamang sa syam ka mga eskwelahan sa rehiyon dose ang posible nga magpadayon sa pilot testing sang face to face classes sa Nobyembre 15 subong nga tuig. Ini ang kumpirmasyon ni Department of Education 12 Information Officer Anton Maganto.
Suno kay Maganto ini tungod nagdumili ang gobernador sang Saranggani sa pagpatigayon sang limited face to face classes bangud sa kabalaka nga mabutang sa delikado ang ikaayong lawas sang mga manunudlo kag mga estudyante nga magpartisipar.
Nahibaluan nga pito ka mga eskwelahan sa Saranggani ang nalakip sa ginpaggwa nga listahan sang DepEd Central Office sa patigayunon nga pilot testing sang face to face classes.
May-angot sini, suno kay Maganto posible ang duha na lamang ka mga eskwelahan sa North Cotabato ang magpadayon sang face to face classes nga nagapadayon ang presparasyon sa ipatuman nga health protocols batok COVID-19.

Facebook Comments