Planta sa oxygen gilusad sa usa ka pribadong tambalanan sa dakbayan…, City Hospital boot usab mogamit niini!!

ILIGAN CITY- Gilusad dinhi sa dakbayan sa iligan sa usa ka pribadong tambalanan ang planta sa oxygen nga gitawag ug OXAIR 500.
 
Pinakaunang tambalanan kini sa iligan nga naka-angkon sa susamang ka-hightech nga teknolohiya sa oxygen kun asa walay nay tangki nga gamiton nga sudlan sa hangin aron gamiton sa pasyente.
 
Kini tungod, direkta naman sa kwarto sa pasyente ang oxygen kun asa kuhaon lang sa planta niini nga gi-proseso ug maayo aron masiguro ang kalimpyo.
 
Matud ni Doctor Edward Dampor, ang nakadiskobre sa maong teknolohiya nga mas barato ang susamang klase sa oxygen ikumpara sa gisulod pa ug tangke.
 
Gani, gawas sa pribadong tambalanan, adunay inisyal nga panagsabot na usab ang lokal nga pangagamhanan sa syudad nga magbutang ug samang klase sa oxygen diha sa city hospital.


Facebook Comments