Plantasyon Sa Marijuana Nadiskobre Sa Lanao Del Norte

Nakunpiskar sa mga sakop sa kasundalohan sa 4thMechanized Infantry Battalion ang kapin kun kulang libo ka puno-an sa marijuana sa barangay Kiazar Tagoloan Lanao del Norte niadtung adlaw’ng domingo.Gibutyag ni 4thMechanized Infantry Battalion Commander Lt. Col. Anthon Abrena nga matawag na ug marijuana plantation ang maong lugar gumikan sa kalapad niini.Na-atulan lang sa mga sakop sa kasundalohan ang maong gipangtanom nga marijuana human kini sila me-responde sa maong lugar aron mopatunga sa nahitabong rido tali sa duha ka pamilya.Wala damha sa mga kasundlohan nga ilang masugatan ang halapad nga gimpatanom nga marijuana sa maong lugar.Gipangsunog gilayon sa mga otoridad ang nakuhang mga marijuana ug padayon pa nga gi-imbestigahan karon kun si kinsa ang responsableng nanag-iya sa halapad kaayo nga pananom sa marijuana didto sa tagolo-an lanao del norte.(RMN DXIC ILIGAN /GHINER CABANDAY)

Facebook Comments