Plastic ban ordinance sa Iligan hingpit na unya nga mapatuman human kini nga ma publish sa pamantalaan

 Gipaabot nalang karon nga ma publish sa pamantalaan una hingpit nga ma implementar ang plastic ordinance dinhi sa dakbayan sa Iligan.

Kini mao’y gikunpirma ni City Councilor Jake Balanay ang chairman sa Committee on Environment and Solid Waste Management sa hawanan sa konseho.

Matud ni Balanay kinahanglan na gayud nga ipatuman ang pagbawal na ug gamit sa mga plastic dinhi sa syudad.

Kini aron makunhoran ang pagbara sa mga drainage nga mao’y hinungdan sa mga pagbaha panahon sa mga pag-ulan.

Agi ug tabang usab kini aron maprotektahan ang kinaiyahan.