Platoon leader sang NPA naaresto sa Koronadal City.

19

Naaresto ang Platoon Leader sang Communist Terrorist Group (CTG) CPP-NPA sa Quarantine Control Point sang 1st South Cotabato Provincial Mobile Force Company(1st SCPMFC) sa Brgy Saravia, City of Koronadal, South Cotabato alas 12:45 kahapon nga adlaw, April 15, 2021.
Sakay sa public utility vehicle halin sa banwa sang Polomolok padulong sa Koronadal ang nasambit nga NPA platoon leader sa diin nagpresentar pa ini sang peke nga South Cotabato Covid-19 Contact Tracing System (SC-CCTS) Card kag nakilala lamang kay Gemar Gecana a.k.a “OYEN”.
Samtang paagi sa gintingob nga pwersa sang SCPPO, Provincial Intelligence Unit, 1st SCPMFC, Koronadal City Police Station, Criminal Investigation and Detection Group-12(CIDG-12 kag Regional Intelligence Unit-12 positibo nga nakilala ang nasambit nga NPA member.
Si “OYEN” ang Platoon Leader sang Guerrilla Front 73-DAGUMA sang Far South Mindanao Regional Committee (FSMRC) kag former CO sang Guerrilla Front 72-ALIP FSMRC, 37-anyos kag residente sang Brgy. Malabuan, Makilala, Cotabato Province.
Ang grupo suno pa ni a.k.a Oyen ang nagaoperate sa probinsya sang Sultan Kudarat partikular na sa banwa sang Palimbang, Lebak, Kalamansig, SNA, Bagumbayan, kag Esperanza.
May-yara naman sang 2 ka standing Warrants of Arrests sa kaso nga Attempted Murder ang nasambit nga NPA platoon leader.
Sa subong yara sa custodial facility si Gecana.
Pahayag naman ni South Cotabato Police Provincial Director PCOL Siason nga indi lang pagpanghangkat sa mga CTG members ang ila nga ginahimo kundi pag-aresto man sa iban nga CPP-NPA members nga may ginapangatubang nga kaso.
Nagpaandam man ini sa mga nagagamit sang peke nga CCTS cards nga manabat ang mga ini sa balaud.

Facebook Comments