Pnoy ug Duterte pareho gi-abswelto sa Dengvaxia issue

Davao City – Pareho walay apil sila former Pres. Benigno Simeon Aquino III ug kasamtangang Pangulong Rodrigo Roa Duterte sa Dengvaxia vaccine anomaly.

Matud ni Prof. Randy Ponteras, bugtong sila kanhi Department of Health Secretary Janeth Garin ug Paulyn Ubial ang lutuson kay sila ang nagpatuman sa programa ug dili si Pnoy ug Duterte busa ipsot sila pareho sa responsibilidad sa kontrobersiya.

Sanglit dili man lang sa administrasyon ni Pnoy nagbakuna sa mga bata gamit ang dengvaxia apan lakip sab ang gobyerno ni Duterte busa dapat lang pareho gukdon sila Garin ug Ubial sa nasangpit nga isyu.


Hinoon walay nakitang sambong politika ang professor sa Dengvaxia sanglit kun buot isipon mas daghan paman gani daw ang nadapatan sa rehimeng Duterte itandi kang Pnoy.

Busa gibarugan ni Ponteras nga sila Garin ug Ubial ang dunay bug-at nga responsabilidad sa multi-billion peso worth sa Dengvaxia kay sila ang nag-implimentar sa programa ngadto sa mga bata.

Dili kuno malimod nga dunay dengue epidemic nahitabo sa nasud mao gani daw gasubida sa bukid ang mga health officers aron banukahan ang mga tawo nagka-dengue uban sa pag-edukar kanila kung unson pagsumpo sa mga lamok nga nagdala sa virus.

Apan giingon sa kanhi Professor sa Ateneo De Davao University (ADDU) nga mas maayo paabuton na lamang ang resulta sa Senate Blue Ribbon Committee investigation nga gipamunuan ni Sen. Richard Gordon.

RadyoMaN Joel Viray

Facebook Comments