PNP-10, girespito ang desisyon nga pagbakwi sa ilang gahom sa paghimo ug anti-illegal drugs operation

Malaybalay City, Bukidnon – Girespito sa Police Regional Office 10 ang pagtangtang na ni Pangulong Rodrigo Duterte sa Philippine National Police ug bisan ang hanay sa Armed Forces of the Philippines, National Bureau of Investigation, ug Bureau of Customs sa otoridad nga maghimo ug anti-illegal drug operations sa tibook nasud.

Sa interview sa RMN Malaybalay ngadto kang PNP 10 regional spokesperson PSupt. Lemuel Gonda gibutyag niini nga aware na sila sa maong kamanduan ug ila kining girespito.

Matud ni Gonda nga bisan pa man niini, wala kini nagpasabot nga dili na sila manakop tungod kay nakalatid man kini sa balaud nga mamahimo pa gihapon silang manakop ilabina kung adunay kriminalidad nga nalambigit ang illegal nga droga.


Sigun sa opisyal nga mu-abag pa gihapon sila sa mga anti illegal drug operations tungod kay mismo gani ang PNP nga adunay daghang personnel nga mihimo ug operasyon naglisod sa pagsumpo sa illegal nga droga samot na karon nga ang PDEA na lamang nga adunay gamay na lang nga gingsakpan.

Unsay tan-aw nimo niining pagbakwi na sa gahom sa PNP nga muhimo ug anti-illegal drugs operation?

Facebook Comments