PNP Chief Archie Francisco Gamboa, dinapit nga bisita sa blessing sang chapel kag adoration room sang Capiz PPO!

38

Roxas City, Capiz- Ginpatigayon kahapon nga adlaw ang inagurasyon kag blessing sang bag-o nga chapel kag adoration room sang Capiz PPO.

Nangin dinapit nga bisita amo mismo ang PNP Chief nga si Police General Archie Francisco Gamboa.


Sa iya mensahe, ginpahayag sini ang pagpanginbulahan sa Capiz PPO sa pagpanguna ni Police Colonel Julio Gustilo kag mga opisyal sang Provincial Advisory Council agud nga nakumpleto ang nasambitan nga proyekto nga magaserbe lugar kun sa diin mahimo nga maka-meditate ang mga PNP personnel. Iya man nga gin pasalamatan ang lokal nga gobyerno kag iban pa nga mga nagdonar para sa suporta agud nga matapos ang amo nga proyekto.

Samtang ang amo nga aktibidad ang ginpangunahan naman ni Rev Fr. Police Colonel Noel Ponsaran nga amo ang regional pastoral officer sang Chaplain Service 6.

Kon mahibaluan ang konstruksiyon sang amo nga chapel kag adoration room ang nagsugod sang bulan sang Oktubre sang nakaligad nga tuig kag natapos pinaagi sa pondo halin sa PNP kag pila ka mga stakeholders.

Facebook Comments