PNP Cyber Crime Group 12, nagpahimangno nagpahimangno batok MoMo Challenge

44

General Santos City— Bantayan ug i-monitor sa mga ginikanan ang ilahang mga anak hilabina sa paggamitan ug gadgets ingon man paghilambigit sa social media. Kini ang gibutyag ni Police Major Leo Dofiles, labaw sa Anti-Cyber Crime Group Region 12.
Sumala niya nga adunay dakong kontribusyon ang mga ginikanan sa unsa mang lihok sa mga kabataan hilabina nga ang ginikanan maoy nagahatag ug pagtugot nga makagamit ug gadget sama sa cellphone ug uban pa ang ilahang mga anak.
Rason nga dako ang mamahimo tabang aron nga ma-monitor ang social activity sa mga kabataan pinaagi sa pagsuta sa mga website nga ilahang gina-access.
Dugang pamahayag ni Police Major Dofiles nga aduna gyu’y dakong epekto ngadto sa mga kabataan ang paggamitan ug internet.
Pag-angkon niya nga sa nasud Pilipinas, dili kayang i-regulate ang unsa mang website rason nga kining tanan ang kaya kaayong ma-access sa mga kabataan bisan ug menor de edad.
Busa kinahanglan gyud nga giyahan ang mga kabataan sa paggamit ug social media gumikan apektado ang moral, emosyon ingon man ang pagdako sa mga kabataan.

Facebook Comments