PNP: Giingong hold up incident sa Mandug ‘fake news’

104
Davao City – Giklaro sa Mandug Police Station (MPS) nga dili tinuod kun fake news ang nikatag nga inpormasyon sa social media nga aduna matud pay nahitabong hold up incident sa Mandug area.

Sa interbyu sa DXDC RMN Davao kang Patrolman Marcenito Gurnot sa Mandug PS, gibutyag niini nga walay nareport sa ilang presinto nga insidente sa hold up diin kini pasikat lang sa social media.

“Walay may reported diri. Wala may nagpa-blotter diri nga biktima sa hold up. Fake news ‘to, fake news. Nagkuan (post) lang para musikat or naay viewers,” sulti ni Gurnot.

Matud sa pulis, kanunay nga nagapahigayon og police visibility ang ilang mga personahe o pagpatrolya ilabina sa Mandug Proper, Tigatto, Indangan ug Acacia o sa ilang Area of Responsibility (AOR).

Giawhag usab sa Mandug PNP nga gilayong ireport sa kapulisan ang unsa mang insidente ug likayan ang pagpakatag og fake news ilabina diha sa social media nga muhatud og panic ug kahadlok sa publiko.

RadyoMaN Kirby Manzon

Facebook Comments