PNP gimanduan nga sulbaron ang ambush sa mga Reluya sud sa duha ka semana

Gimanduan ni PNP chief Director General Oscar Albayalde ang kapolisan sa Central Visayas region nga sulbaron ang pag-ambush sa sakyanan ni San Fernando Mayor Lakambini Reluya sud sa duha ka semana .

Namatay sa ambush ang bana sa mayor nga si Kapitan Ricardo Reluya Jr. ang drayber sa ilang gisakyan nga van nga si Allan Bayot ug ang tourism officer sa lungsod nga si Ricky Monterona .

Gawas ni Mayor Reluya , samdan usab ang laing duha nila ka mga kauban sa sakyanan nga sila si Giovanni Perez ug Tolentin Jefer.


Matud ni Police Regional Office -7 Director Chief Supt. Debold Sinas gitan-aw nila karon ang anggulo nga politika human usab mao kini ang gitohoan sa mayor .

Apan susihon gihapon sa PNP ang ubang posibling motibo apil na ang personal nga anggulo .

Ang PRO-7 nagtukod na usab ug Special Investigation Task Group aron mototok sa imbistigasyon sa insidente.

Si Mayor Reluya hatagan usab ug duha ka police escort samtang magpadayon ang imbistigasyon sa krimen .

Facebook Comments