PNP Iligan wala pay gihuptang bag-ong listahan sa mga personalidad nga nalambigit sa illegal nga droga

ILIGAN CITY- Gikunpirma ni PNP City Director Police Senior Superintendent Leony Roy Ga nga wala pa siya’y nahuptan nga bag-ong listahan karon labot sa mga personalidad nga nalambigit sa druga sa dakbayan sa iligan.
 
Kini human pormal na nga gibalik kanila ang pakig-away batok sa illegal nga druga ug gani mas gihingusgan kini ug maayo gumikan sa ilang tinguha nga masumpo na gayud ang illegal nga druga dili lang sa dakbayan apan sa kinatibuk-ang bahin sa nasud.
 
Matud ni Ga, kaniadtu pa nga listahan ang anaa sa iya karon ug posibleng adunay bag-ong nalista ang iyang mga station commanders sanglit iya man gihapon nga gitahasan kaniadtu sa pagpadayon ug surveillance sa katawhan nga nalambigit gihapon sa illegal nga druga bisan ug gihunong ang ilang operation batok niini.
 
Buot ni Ga nga hinay-hinayon na usab nila sa pagpasabot kadtung pabilin nga anaa sa ilang listahan pinaagi sa ilang gipatuman karon nga tokhang ingon man double barrel.
 

Facebook Comments