PNP istriktong ipatuman ang Davao liquor ban

Davao City – Gipasalig sa Davao City Police Office (DCPO) ilang istriktong ipatuman ang liquor ban sa syudad sa Davao subay usab sa direktiba ni Mayor Sebastian Duterte human sa nahitabong shooting incident niadtong Sabado (July 2, 2022) gawas sa usa ka bar dinhi sa syudad diin usa ang patay.

Sa interbyu sa Davao Media kang Police Colonel Alberto Lupaz, DCPO Director, gibutyag niini nga kung unsa ang oras nga gidili ang pag-consume og ilimnon sa pampublikong lugar, estrikto kining iimplementar aron malikayan ang disgrasya o unsa mang insidente sama sa pagmaoy kung mangahubog na ang nag-inom.

“Ang sabi lang nya (Mayor Sebastian Duterte), let us strictly implement liquor ban na kung anong oras talaga ay hanggang dun lang talaga. The more you stay in that area, the more na makainom ka ng marami. At (kung) maraming mainom, the more nga most likely ikaw ay magkaroon ng.. magmaoy ka, makagawa ka ng kasalanan,” saysay ni Lupaz.

Subay sa Davao City Ordinance 004-13 series of 2013 o Liquor Ban Ordinance of Davao City, gidili ang pagbaligya ug pag-consume og mga ilimnon sa public places gikan ala 1:00 sa kadlawon hangtud alas 8:00 sa buntag.

RadyoMaN Kirby Manzon

Facebook Comments