PNP, nagbabala sa publiko kaugnay sa grupo na nagbebenta ng pekeng COVID-19 test results

Nagbabala ang Philippine National Police (PNP) kaugnay sa modus operandi ng ilang grupo na nagbebenta ng swab test result kahit walang aktwal na RT-PCR test.

Ayon kay PNP Chief General Guillermo Eleazar, ginawa ng PNP ang babala matapos na mahuli ang tatlong indibidwal sa Quezon City matapos mag-isyu ng pekeng COVID-19 test results.

Nagbayad daw ang nagreklamong biktima ng P16,000 pero kalauna’y natukoy na peke pala ang resulta.


Ang COVID-19 test results ay may logo ng Philippine Red Cross (PRC).

Sinabi ni PNP chief, hindi biro ang krimen na pamemeke ng RT-PCR results lalo na’t nasa gitna tayo ng pandemya.

Nakasalalay aniya sa mga test result na ito ang kaligtasan at kalusugan ng publiko laban sa COVID-19.

Sa ngayon, nakakulong na ang mga suspek sa Quezon City Police District Station pero patuloy na hindi umaamin sa kanilang ginawa.

Facebook Comments