PNP nagpagawas ug data nga kung diin mo abot sa 143 ang mga nakalapas sa Gun Ban

90

Dipolog City-Moabot sa 123 kabuok ang naaresto sa PRO9 nga naka lapas comelec gun ban sa tibuok Zamboanga Peninsula sulod sa unom ka bulan sukan niadtong Enero 13 hangtod Hunyo 12, 2019

Si Police Brig. Gen. Froilan F Quidilla ang director sa PRO9, gibutyag niini nga 132 niini mao ang sibilyan, tulo gikan sa tropa sa gobyerno, tulo sa mga security guard, ug tulo sa mga opisyal sa gobyerno.


Naaresto kini sila sukad niadtong enero 13 hangtod hunyo 12 tungod sa pagbitbit ug armas, replica sa armas, explosives, ug mga kutsilyo atol sa ilang pagpahigayon ug mga operasyon sama sa checkpoint, buy-bust operations, police patrols ug pagsilbi sa search warrant.

Ang mga nakumpiska gilangkuban kini sa mugbo nga armas nga moabot sa 132, tulo sa mga light weapon guns, duha ka mga replica nga armas, 9 ka improvised nga armas, 25 ka mga Granada, 28 ka 28 improvised explosive devices, 1, 378 ka mga bala, ug 9 ka kutsilyo.

Gipasalamatan ni Police Brig. Gen. Froilan F Quidilla ang iyang mga sakop sa PNP human sa ilang nahimo nga kalampusan uban usab ang kasundaluhan atol sa election sa tibuok rehiyon hinungdan nga ilang napatunhay ang kahapsay ug kalinaw sa probinsya.

Niadtong adlawng myerkules hunyo 12, hingpit na nga giwala ang Comelec Gun Ban.

Facebook Comments

From Advertisers