PNP nagtukod ug task group nga mototok sa kamatayon sa usa ka kanhi konsehal

45

Nagtukod ang kapolisan sa lalawigan sa Sugbu ug usa ka Task Group nga maoy motutok sa imbistigasyon labot sa kamatayon sa usa ka kanhi konsehal sa dakbayan sa Mandaue .
Ang task group gilangkuban sa Santander Police Station nga gipanguluhan sa hepe niini nga si Supt. Mario Baquiran , Provincial Investigation and Detective Management Branch ubos ni Supt. Emerson Dante ug hepe sa Provincial Intelligence Branch pinaagi ni Supt. Joie Yape Jr .
Duha ka anggulo ang gisubay karon sa kapolisan sa pagkamatay ni kanhi konsehal Beethoven “Toben” Andaya ug kini mao ang tulis ug personal nga motibo .
Si Andaya napalgan na lang nga patay na sud sa lawak sa usa ka resort sa lungsod sa Santander niadtong Lunes ug adunay samad pinusilan sa iyang dughan .
Matud sa pipila ka saksi duha ka lalaki ang nisulod sa kuwarto ni Andaya pipila ka oras human kini nicheck –in sa resort niadtong Dominggo sa gabii sa wa pa nakit-i nga patay ang kanhi konsehal.

Facebook Comments