PNP nipasidaan batok sa peke nga kwarta sa kampanya

20

Giawhag sa kapolisan dinhi sa dakbayan sa Sugbu ang publiko nga magmatngon sa posibling pagsiaw sa peke nga kuwarta karong nagsugod na ang kampanya alang sa nagkadool nga Barangay ug Sangguniang Kabatan Election .
Si Cebu City Police Office Chief , Sr. Supt. Joel Doria namahayag nga sa matag eleksiyon di malikayan nga adunay mga kandidato nga mohimo ug vote buying aron maniguro nga modaug sa ilang kandidatura .
Wa usab isalikway ni Doria nga adunay mogamit ug peke nga kuwarta ug mangilad ngadto sa mga botante .
Subay niini giawhag ni Doria ang publiko nga kung makadawat ug peke nga kuwarta , itaho gyud dayon ngadto sa kapolisan aron maimbistigar kung diin kini gikan.
Gimanduan usab ni Doria ang mga station commander sa kapolisan sa pagdugang ug police visibility sa kadalanan subay sa pagsugod na sa kampanya .

Facebook Comments