PNP SARANGANI MOBILE FORCE COMPANY GIDEKLARA NGA BEST PROVINCIAL MOBILE FORCE COMPANY SA TIBUOK PILIPINAS

Nagmaya na usab karon ang mga opisyales og katawhan sa probinsya sa Sarangani tungod sa laing kalampusan nga naangkon pinaagi sa national award nga nadawat sa PNP Sarangani, partikularminte ang Sarangani Mobile Force Company.
Sa nahitabo nga 118th Police Service Anniversary sulod sa Camp Crame niagi lang adlaw nga Byernes, gitunol mismo ni Pangulong Rodrigo Duterte kauban sila DILG Secretary Eduardo AƱo og PNP Chief Police General Oscar Albayade ang plake nga nag-ila sa Sarangani Mobile Force Company nga Best Provincial Mobile Force Company sa tibuok Pilipinas.
Hilabihan ang kalipay sa company/force commander nga si Police Lt. Col. Joffel Remudaro samtang personal gidawat ang maong pasidungog, gipakapinan pa kini sa Presidente og cash-pahalipay nga Two Hundred Thousand Pesos (P200K) para sa grupo. Segun ni Lt. Col. Remudaro, wala sila nagdahum nga masungkit sa Sarangani Mobile Force Company ang kadaugan tungod sa kadaghan sa entry entiro nasud nga adunay 152 kabuok provincial police office, apan nag-inusara gayud kining gi-award sa Sarangani.
Walay laing nalitok nga pulong si Sarangani Mobile Force Company Commander Remudaro kundili pasalamatan ang tanan niining mga sakop, ang mga pamilya sa iyang tropa nga todo-suporta sa ilang mga kalihukan, ang ilang maabtikong labaw sa SPPO kon Sarangani Provincial Police Office nga si Police Col. Arpha Abul Kyr Macalangcom, og ang suporta sa mga lumulupyo hilabi na matud pa sa lokal nga gobyerno sa Sarangani gipangunahan ni Governor Steve Chiongbian Solon. Anaa matud pa si Governor Solon nitambong sa maong awarding ceremony sa Camp Crame pagpakita sa iyang bug-os nga pagsuporta, sa pag-ayuda usab nila Senador Manny og Congressman Ruel Pacquiao, Sangguniang Panlalawigan og mga mayores.
Walay nakitang rason si Remudaro sa pag-angkon sa maong prestihiyosong national award kundili ang ilang mga maayong nabuhat. Ninaog matud pa sa Sarangani ang validation team sa PNP aron personal masaksihan ang ilang mga gipangbuhat.
Sulod sa performance period, daghang accomplishments ang ilang napakita nakatutok sa internal security operation sa tibuok Sarangani Province, hilabi na sa pagpakgang sa terorismo, insurhensya, kriminalidad og ilegal nga druga.
Na-neutralize niini ang mga indibidwal nga naglihukan sa teroristang grupo, daghan usab ang mga rebelde nga ni-surender katugbang ang kasundaluhan inabagan sa Sulong Kapayapaan program nga E-CLIP kon Enhanced Comprehensive Local Integration Program aron masiguro nga produktibo ang ilang pagbalik sa komunidad. Daghan ang ilang na-recover nga mga armas, bala og mga eksplosibo.
Ang anti-criminality campaign ang hugot pud nilang gitutukan nga niresulta sa pagkasikop sa ubay-ubay nga mga wanted. Samtang, ni-alalay usab sila sa kampanya batok ginadiling druga.
Gibutyag na lamang ni Lt. Col. Remudaro nga padayon lang sila sa pagtrabaho may award man o wala, ang importante matud pa nga ā€œhighly motivated and dedicatedā€ ang iyang mga tao og ang tibuok kapulisan sa Sarangani.

Facebook Comments