PNP South Cotabato ginlunsar ang 7 ka adlaw nga“SERBISYO CARAVAN” sa Lake Sebu.

25

Ginlunsar sang South Cotabato Police Provincial Office (SCPPO) sa pagpamuno ni Provincial Director PCOL Jemuel Siason ang “SERBISYO CARAVAN” nga kabahin sang 7-Day Retooled Community Support Program (RCSP) sa Brgy. Tasiman, Lake Sebu, South Cotabato sang Enero 7, 2021.

Ang RCSP kag Serbisyo Caravan ang isa ka programa nga nagasuporta sa Executive Order Nr. 70 ni Pres. Rodrigo R Duterte nga may katuyuan nga tapuson ang Local Communist Armed Conflict sa pungsod.


May-angot sini, lakip sa serbisyo nga ihatag sa mga residente sa lugar ang distribusyon sang bugas kag food packs, feeding program, free haircut, BPATS training, free medical kag dental consultation, COVID 19 Awareness, health & safety protocols, distribusyon sang face masks kag, lectures sa Violence Against Women and Children (VAWC), Anti-terrorism, anti-illegal drugs kag iban pa.

Yara naman sa 100 ka mga pamilya sa nasambit nga barangay ang nakabenepisyo sang food packs sa pormal nga paglunsar sang programa.

Samtang, kadungan sang nasambit nga aktibidad ang gintingob nga pwersa sang Lake Sebu Municipal Police Station, kag 1st and 2nd Mobile Force Companies sang SCPPO ang nagpatigayon sang pagpatrolya para sa seguridad kag pagpalab-ot sang mensahe nga ang gobyerno ang seryoso nga tapuson ang pag-exister sang CPP/NPA.

Sa mensahe naman ni P/Col. Siason sa nasambit nga programa, nagpanawagan ini sang suporta kag kooperasyon sang komunidad.




Magatakop naman ang serbisyo caravan sang SCPPO sa Enero 13, 2021.

Facebook Comments