PNP wala gibaliwala ang pagkatag sa peke nga kwarta karong eleksiyon

Giawhag sa kapolisan ang publiko nga magmatngon sa posibling pagsiaw sa peke nga kuwarta karong nagsugod na ang kampanya alang sa nagkadool nga Barangay ug Sangguniang Kabatan Election.

Sa interview sa RMN Malaybalay ngadto kang SPO2 Gil Caday, PNP-Investigator sa Regional Investigation and Detective Management Division sa rehiyon 10, gibutyag niini wala nila gipadaplin ang posibilidad sa presensiya sa peke nga kwarta tungod kay mao usab kini ang panahon nga isi-aw sa mga sindikato.

Una nang gi-ingon sa PNP nga sa matag eleksiyon di malikayan nga adunay mga kandidato nga mohimo ug vote buying aron maniguro nga modaug sa ilang kandidatura.


Wala usab isalikway sa kapulisan nga adunay mogamit ug peke nga kuwarta ug mangilad ngadto sa mga botante.

Matud usab ni Caday nga dili usab ma-ingon nga dili kini makahimo sa paghimo ug peke nga kwarta tungod sa ka high tech na karon nga panahon.

Subay niini giawhag sa PNP ang publiko nga kinahanglan magmaigmat aron dili mabiktima sa pekeng kwarta.

Nasayran nga ubay-ubay na ang mga nabiktima sa pekeng kwarta sa Bukidnon.

Tambag sa PNP nga kung makadawat ug peke nga kuwarta , itaho gyud dayon ngadto sa kapolisan aron maimbistigar kung diin kini gikan.

Kung makadawat usab nga kadudahang kwarta kinahangkan nga applayan kini sa basic nga mga butang aron pagsuta kung kini ba peke o dili.

Facebook Comments