PNP way nadawat nga hangyo gikan ni Peter Lim alang sa police escort

Wa pay nadawat ang Police Regional Office-7 nga suwat-hangyo gikan sa kampo sa Sugbuanong negosyante nga si Peter Lim alang sa pagpangayo ug police escort sa pagtambong niini ug hearing sa Department of Justice (DOJ) karong Lunes .

Si Lim nipasalig nga motambong sa gipatawag nga preliminary investigation sa DOJ karong Agusto 14 ug 17 labot sa kaso nga giatubang niini sa ilegal nga drugas.

Si PRO-7 Director , Chief Supt. Jose Mario Espino nipasabot nga andam silang mohatag ug police escort ni Lim apan iyang gitataw nga igo lang kining mohatud sa negosyante sa iyang pag-adto sa DOJ ug mobalik ra usab kini dinhi sa Sugbu.


Una nang namahayag si Lim nga nabalaka kini sa iyang seguridad ,human sa dugoong raid sa PNP didto sa Ozamis City batok sa mga Parojinog diin namatay ang mayor ug laing 15 ka tawo.

 

Facebook Comments