PNP-XI: Seguridad ug health protocols sa mga sementeryo bantayan

22

Davao City – Nagpahimangno ang PNP sa publiko nga dili maghulat og last minute usa muduaw sa ilang mipanaw nga mga kabanay ug madasok sa mga sementeryo una kini sirad-an.

Sumala ni Police Major Eudisan Gultiano spokesperson sa Police Regional Office XI, importante nga tumanon gihapon sa katawhan ang health protocols ilabina sa mga public areas sama sa mga sementeryo tungod nagpabilin pa gihapon ang hulga sa COVID-19.

Matud niini, adunay mga pulis nga ipangdeploy ug magpatrolya sa mga pampubliko ug pribadong sam-ang subay sa gipatumang hugot nga seguridad ug health measures.


Gianunsyo sa dakbayan sa Davao nga sirado ang mga sementeryo, memorial parks ug kolombaryo sa sugod October 24, 2021 ngadto November 7, 2021.

Ang PRO XI nagpaabot pa sa mga official reports gikan sa mga Provincial ug City Directors kung magpatuman og closures sa mga sementeryo ang uban pang mga Local Government Units karong Kalag-kalag gawas sa Davao City.

“We are waiting for the resolution sa mga local government units kasi sila nagbibigay ng order kung mag-close na ang mga sementeryo sa areas nila. But all our unit commanders are already directed to give their security plan,” sumala niini.



Adunay mga police assistance desks nga ipangmuntar sa mga sementeryo aron motabang sa mga public concerns. Giawhag sa kapulisan ang katawhan nga i-report gilayon kanila kung aduna may mga iligal nga aktibidad nga ilang mahibaluan sulod sa mga sementeryo.

RadyoMaN Kirby Manzon


Facebook Comments