PNP10 nadawat na ang direktiba ni Pres. Duterte, kalabot na sa paghugot sa seguridad sa region ten.

Nakadawat og direktiba ang PNP 10 kalabot na sa kamanduan ni Presidente Rodrigo Duterte, nga pahugtan pag-maayo ang seguridad sa region ten, ilabi na ang Cagayan de Oro.
Kini human nga adunay pagpanghulga sa pagpamomba ang mga terorista.
Matud ni PNP10 Spokesperson Supt. Lemuel Gonda, nga nakighiusa na sila karon sa nagkalain-laing ahensiya sa gobyerno, arn mapugngan ang maong hulga.
Tungod niini, nanawagan karon si Supt. Gonda sa katawhan nga magbantay, dili magkompiyansa ug molikay sa pampublikong lugar sama sa mall, simbahan, parke, ug uban pang lugar nga dagsa ang mga tawo.
Dugang pa ni Supt. Gonda nga dili usab kalimtan ang pag-save sa hotline sa kapolisan, aron dali nga makareport kon ugaling adunay mabantayang kadudahang lihok o emerhensiya.

By: Radyoman Aiza Mishelle-Enloran

Facebook Comments