VICTORIAS CITY, NEGROS OCCIDENTAL – Nagkalain lain nga kalibre sang armas kag mga bala natigayon nga ma recover sa puluy-an sang isa ka ginaalegar police asset sang gin raid sang mga pulis ang iya balay kagab-i sa Brgy. 5, Victorias City.
Ginkilala ang suspek nga si Felix Ayco, 63 anyos, residente sang Osmeña Ave., Brgy. 5, ciudad sang Victorias kag isa ka manug-himo sang furniture.
Pinaagi sa search warrant nga gin-issue ni Hon. Judge Dyna Doll Chiongson Trocio sang Silay RTC, gin-raid sang ma katapo sang Victorias City Police Station sa pagpamuno ni PC/Insp. Eduardo Corpuz ang puluy-an sang suspek.
Antes sang raid, ginpahayag sang pulis nga nakabaton sila sang reklamo nga nag-pinalupok sang iya armas si Ayco.
Na-recover sa possession ni Ayco ang apat ka homemade nga armas nga ginlakipan sang 12 gauge shotgun, 357 magnum, 22 calibre rifle kag revolver subong man ang kapin 50 ka live ammunitions ukon bala./dyHB BACOLOD
