General Santos City–Luwas na sa kuyaw nga kahimtang ang police nga si Po2 Jessie Dasmareñas, nga nakabasi sa Maasim PNP kansa napusilan sa suspetsadong wanted nga si Jimmy Balunto, legal age, residenti sa Sitio Lumbang, Barangay San Jose, Gensan.
Sumala ni Police Major Romeo Calamba, Hepe sa Maasim PNP nasuta nga gi-serve sa iyang mga sakop ang warrant of arrest sa kasong rape batok sa suspek.
Nagdumili matud pa ang suspek nga siya posasan sa kapulisan mao nga iyang giilog ang pusil sa usa ka police, nibuto kini nga maoy niigo ngadto kang po2 Jessie Dasmareñas.
Nakaangkon ug samad sa iyang kamot ug sa iyang paa ang police kansa dali kining gidala sa ospital aron malapatan dayon ug midikasyon human napusilan.
Samtang ang suspetsadong dinakpan ang gidala sa Maasim PNP ug takda na kining ibalhin ngadto sa Sarangani Provincial Jail.
