Pinaka una ang Police Regional Office 10 sa nakadawat sa mga nasudnong bandila, isip parte sa Flag Campaign sa Ayala Foundation nga gitawag og Maging Magiting.
Matud ni Ms. Selerina Rosales Amores, Senior Director for Communication sa Ayala Foundation Inc., nga unang nahatagan niini sa nasudnong bandila ang Camp Crame, National Capital Region Police Office ug ang Police Regional Office 10.
Nasayran nga mukabat sa 10,000 ka mga nasudnong bandila sa Pilipinas ang ilang gitakda nga I apod-apod karong tuiga, kinsa lakip sa mga hatagan ang mga eskwelahan sa tibuok nasud.
Ang Police Regional Office 10, ang nakadawat og 170 ka mga national flag, kung asa 106 niini ang I apod-apod sa 106 ka mga municipal police station, samtang ang uban ang ibutang ngadto sa headquarters, Regional Mobile Force Batallion, ug Mobile Force Company.
Katimbang sa Ayala Foundation, ang Chooks to Go ug National Historical Commission.
Samtang, karong adlawa nakatakdang manghatag kini og mga nasudnong bandila sa Opol National technical Secondary School.
