Police Regional Office 9, andam na sa Undas 2018

12

Andam na ang kapulisan sa Rehiyon 9 alang sa seguridad sa mga sementeryo ug lugar nga sagad dagsa-on sa tawo ning pag-obserba sa Adlaw sa mga santos ug minatay.
Gibutyag ni PCSUPT Emmanuel Luis Licup, ang Regional Director sa Zamboanga Peninsula PNP, mokabat sa 2,000 ka pulis ang gitahasan sa pagbantay sa 192 ka sementeryo, 28 ka pantalan, 94 ka bus terminals ug 4 airports sa tibook rehiyon.
Mokabat sa 1, 738 ka force multipliers motabang sa pagsiguro sa kalinaw ug kahapsay lakip ang pag-abag sa civic organization ug mga volunteers nga magsilbing katambayayong sa kapulisan.
Gipahimangnuan usab ni Licup ang publiko nga gidili sa sementeryo ang pagdala sa armas, hait nga hinagiban, ilimnon nga makahubog, paraphernalia sa sugal ug videoke machine.
Gipaniguro usab sa Regional Director ang mga konstitwente sa tibook Zamboanga Peninsula nga mag-butang sila og Police Assistance Desks sa sam-ang publiko ug terminals.

Facebook Comments