General Santos City–Gipaabot nalang matud pa karon sa Police Station 2 ang resulta sa gipahigayong autopsy sa patay nga lawas sa usa ka babae nga nailang usa ka Jeah Seriales, 30 anyos, nga nanimuyo sa 3rd IB, Barangay Fatima ning syudad.
Sumala pa ni Police Major Ananias Vasquez ang hepe sa Police Station 2 nga karon nagpabilin silang blangko sa hinungdan sa kamatayon sa nahisgutang biktima ug kung gituyo ba kini sa pag patay.
Kung kahinumduman nga niadtong milabay nga adlaw, giclaim, sa mga kabana yang patayng lawas sa biktima human nga nadunggan matud pa niini sa balita nga dunay nakit-ang patay nga lawas sa babae sa area sa Mudia , Barangay Labangal kung asa anaa na kini sa State Of Decomposition.
Dugang pa ni Vasquez nga dugay naman usab nga ginapangita ang iyahang kabanay ang nahisgutan human nga wala matud pa kini nakapauli sa ilahang panimalay niadtong milabay nga simana.(Dave Silagan)
