Police Station 2, nagpasabot sa gihimong Ronda sa balay sa usa ka purok chairman

General Santos City–Walay gipaboran ang PNP sa pagsikop sa mga naghupot ug dili lesensyadong armas, kini ang gihingusgan ni Police Sr. Inspector Robert Fores, ang Deputy Chief Of Police Sa Police Station 2.

Kini human mipalag ang mga kabanay ni Purok 2, Lanton, Apopong Purok Chairman Jose Delfin kansa gidakop human nga nakuhaan ug pusil atol sa ronda sa panimalay niini niadtong nakalabayng adlaw.
Sumala ni Fores nga adunay report nga naghupot ug armas ang nahisgutang opisyal sa Purok mao nga gihimo ang operasyon nga gipangunahan sa City Intelligence Detection Management Branch inabagan sa Police Station 2 sa nakalabayng adlaw.

Dugang paghayag ni Fores nga ayha nahitabo ang ronda iya usab nga gipasabot ngadto sa subject sa maong Search Waarnt nga sila igo rang nisunod sa balaod.


Dili matud pa pasabot nga sila opisyal sa purok, barangay o syudad dili na sila mahimong target sa operasyon.

Ang ilaha lang matud pa nga ilang gipatuman ang search warrant nga giisyu sa korte batok sa maong opisyal kung asa nakuhaan kini ug usa ka unit sa pusil mao nga siya gisikop ug gibalhog.

Facebook Comments