General Santos City–Nag pabiling blangko karon ang Police Station 3 sa tinuoray nga motibo sa nahitabong pagpamusil sa ilang area niadtong milabay nga gabie kung diin nabiktima ang usa ka Jereck Barrido, 38, nga nanimuyo sa Barangay Lagao ning syudad samtang naghulat kini ug pasahero atubangan sa usa kan-anan sa Lagao.
Sumala pa ni PCI Peter Pinalgan Jr. ang hepe sa Police Station 4 nga sa karon daghang anggulo ang ilang ginasundan sama nalang sa kanhi niining kalimbigitan sa iligal nga droga ingon man ang makanunayon niini nga pagbalhin ug pinuy-anan nga daw sa adunay ginataguan.
Samtang ilaha naman usab nga gipasa sa cyber crime office ang CCTV footage nga nakuha nila sa maong area aron usab nga ma-enhance sa pamasin nga makatabang sa pag-ila sa suspect nga responsible sa krimen.
